الأب مجدي العلاوي يتعرّض لحادث سير كبير
تعرَّض الأب مجدي العلاوي لحادث سير يوم أمس الجمعة وكتب على صفحته على فايسبوك: “جمعية سعادة السماء بخادمها الأب مجدي العلاوي: بدنا نشكر ربّنا لأنو نهار الجمعة تعرضت لحادث سير، بس نشكر الربّ أنو انا منيح وما صار معي شي...
كل الشكر وكل الحُبّ والتقدير لكلّ مين ساعد وحط قلبو وإيدو معنا : الصليب الأحمر اللبناني والجيش اللبناني والشرطة العسكرية ومستشفى سان جان؛ جونية
وانا كتير منيح نشكر الربّ،وبطمّن الكلّ انو اليوم كملّت رسالتي وخدمتي من الصبح بكير،عالساعة العاشرة إفتتاح فرن مناقيش بسد البوسرية، بمناسبة اليوم العالمي للفقير، والساعة الحادية عشر ونص إفتتاح حديقة برج حمود بالإضافة لسناك ومطعم وكوافير وفرن مناقيش....
نشكر الله انا منيح ومكفي نهاري عادي،
استطيع كل شيء بالمسيح الذي يقوّيني....
وسبب الحادث سائق فان مستهتر بحياة الناس وكأن الطرقات فقط ملك لهم...
يقود سيارته من اقصى الشمال إلى اقصى اليمين ،ضاربين بعرض الحائط العبث بحياة الأخيرين....
واكبر مسبّبات الحوادث الاستهتار بحياة البشر...
بدنا نطلب من هل السائقين الفانات والسيارات العمومي رجاءًا سوقوا برواق وتقني لأنو أرواح الناس ليست ملكا ً لكم...
بيّي كمان بدي اشكر كل المحبين يلّلي أنشغل بالن علينا كمان كل حدا سمع وأتصل وتطمّن ....
ربّنا يحميكن ويحفظكن ويبعد عنكم كل مكروه
خادم جمعية سعادة السماء الأب مجدي العلاوي".