الجمعة 14 أيار 2021

أنطونيلا حتي: في عدالة إسما عدالة «الأبطال»... يا ويلكم من هالعدالة اذا وصلنالا

الثلاثاء 04 أيار 2021

يحل الرابع من أيار ويحتفل العالم باليوم العالمي لرجال الإطفاء.

وفي لبنان، يحل الرابع من أيار، ليتذكّر اللبنانيون مرور تسعة أشهر على انفجار مرفأ بيروت، وتشخص أمام أعينهم صور رجال الإطفاء الذين واجهوا الموت دفاعًا عن المواطنين ولبوا نداء الواجب تحديًا للصعوبات وعملاً برسالتهم وواجبهم.

وفي هذه المناسبة، كتبت أنطونيلا حتي عبر صفحتها على موقع "فايسبوك" التالي:

"مش عارفي شو بدي اكتب. 

عن اشتياقي الكن بكل ثانية؟ 

عن سندكن الي من السما واحساسي بوجودكن حدي كل ثانية ووين ما بروح؟

عن وجع إماتكن وبياتكن وإخواتكن؟

عن أسئلة البنات اللي كل مرة منهرب منا بجواب "الشباب عن بساعدو يسوع"؟

عن كل ضحكة وابتسامة جواتا الف غصة ووجع؟

رح اكتب عن الوقت، عن ٩ شهور ، عن ٢٧٢ يوم. 

هالوقت اللي ربحتوا بالسما واللي عم نخسروا نحنا عالأرض. 

هالوقت اللي عم يفصلنا عن معرفة الحقيقة، حقيقة مين وصلنا لهون، من ورا مين قلبنا عرسكن لدفن، و كتير أسئلة ناطرينلا جواب. 

بس هالوقت عم بروح من قدام كل واحد الوا إيد بهالإجرام، ساعتوا عم تنقص، لأنوا قدام كل دمعة نزلت كان في وعد منّا انوا مش رح ننطر عدالة السما وإذا طولت كتير عدالة "القضاء" ت تتحقق رح يكون في عدالة إسما عدالة "الأبطال" اللي علمونا ما نخاف من شي. 

يا ويلكم من هالعدالة اذا وصلنالا".